Opinion‎ > ‎

自保指南

posted 23 Nov 2017, 08:14 by Hong Kong Independence Party   [ updated 24 Nov 2017, 04:04 ]
Fung Anthony:
本簡易指南係教導你如何當香港發生緊急事件時(例如政府藉23條大量追捕香港人甚至再一次64事件)可以安全離開香港並在第三國家得到庇護。

1. 由今日起請隨時留意香港,中國以及海外英文新聞,情報搜集比任何事情都重要,你比別人早一步搜集到重要訊息就能比別人有更大機會安全離開,舉個例子 A君每天都有睇香港同海外英文新聞既習慣而B君只睇蘋果日報,有一日美國國會通過取消香港關係法從此將香港視為中國一個普通城市,由於A君有睇英文新聞所以佢已經執定行李去機場而B君重等緊睇蘋果突發,當B君終於等到果報導Ituu個陣香港股市已經大崩潰全城陷入混亂狀態,係呢個時候A君飛機已經起飛安全去到第三國家。

2. 由今日起準備一個緊急逃生背包,因為走難係分秒必爭既事情所以無時間比你慢慢再執行李,行李內必備護照,衫褲鞋襪,幾千蚊美金,無法係第三國可購買到既重要物品(例如全家福),總之你要以當一揹起呢個背包既一刻就會有一段長時間唔會返香港既心態去執所需既物品

3. 事前計畫如何離開香港,係去第三方國家之前第一個難題就係點樣可以離開香港,假如發生緊急事件而你又好似B君咁未能及時離開香港咁你就要諗下點樣離開到香港,因為當緊急事件發生時政府可能會禁止香港人正常出入境,所以要未雨綢繆係現今暫時安全既時候準備多幾個計劃點樣離開香港

4. 假如你係A君一早收到風要走既話可以請選擇去你本護照可以免簽去既地方,我個人強烈建議去加拿大因為無論BNO或者特區護照去加拿大都係免簽證,你隨時都有一個合法身份入境而免去未入境就被遣返既危機,假如你係B君我建議你先去台灣作中轉站再去其他地區

5. 到最重要部份!!如何係第三國申請政治庇護,當抵達第三國時切忌在入境關口要求政治庇護,咁做海關移民官會同你用筆錄你申請既理由但只會寫低對佢有利既供詞,當去到移民局審理個陣有九成都會被拒絕然後遣返香港,應該到抵第三國時如第4點所說用合法身份入境,然後再在第三國境內尋求移民律師幫忙申請政治庇護,依個時候係第2點所準備既美金就有用途,係有移民律師在場既時間移民官係唔會亂咁寫野,咁對你既申請係極為有利而且部份移民律師都有相關經驗只要你如實講出點解你害怕返香港會被迫害佢地就會幫你準備應有既資料。

當你既庇護申請一去到移民局你既居留身份就會無限期延長直到移民局審理你既個案為止,如果不幸最終移民局無批准你既申請可以上訴到移民法庭,記得係呢個時候一定要搵當地左膠支援你,假如最終都係唔批既話通常會等到你合法身份完結後就遣返你出境,係呢個時候你有兩個選擇,第一就係買機票去其他國家重複呢個步驟,第二就係把心一橫直接黑落黎做黑民等待時機再申請一次。
Comments